Tuesday, May 18, 2010

നാസയില്‍ ജോലി ചെയ്യൂന്ന മന്ദബുദ്ധികള്‍

നാസയില്‍ ജോലി ചെയ്യൂന്ന എഞ്ചിനിയര്‍മാരെല്ലാം കടുത്ത മന്ദബുദ്ധികളാണെന്ന് ഞാന്‍ പറയും. എന്തു കൊണ്ടാണ്‌ ഞാന്‍ ജീവിതത്തില്‍ ഒരിക്കല്‍ പോലും കണ്ടിട്ടില്ലാത്ത ആളുകളെ മന്ദബുദ്ധി എന്നു വിളിക്കുന്നത് എന്നു ചോദിച്ചാല്‍ താഴെ പറയുന്നതാണ്‌ അതിന്റെ കാരണം.
1 -എനിക്ക് അവരെ ഒന്നും ഇഷ്ടമില്ല
2 - അവരെ കുറിച്ച് ഒന്നും തന്നെ എനിക്കറിയില്ല
3 - അവര്‍ പറയുന്നതൊന്നും ഞാന്‍ ശ്രദ്ധിക്കാറില്ല.
4 - ഞാന്‍ ആവര്‍ത്തിക്കുന്നു, അവരെ എനിക്കിഷ്ടമില്ല.
5 - അവരൊക്കെ അല്ലാതെ പിന്നെ ആരാ മന്ദബുദ്ധികള്‍ എന്ന് ഇന്നലെ എന്റെ മാഷ് ചോദിച്ചിരുന്നു.
6 - അവര്‍ മന്ദബുദ്ധികള്‍ അല്ല എന്ന് ഇനിയും തെളിയിക്കേണ്ടിയിരിക്കുന്നു.
7 - ഇപ്പോള്‍ അവര്‍ കാട്ടിക്കൂട്ടുന്നതെല്ലാം, മന്ദബുദ്ധികള്‍ അല്ലെന്ന് കാണിക്കാനുള്ള വെറും നാട്യങ്ങള്‍ മാത്രം
8 - നാട്യമല്ല എന്ന് ഇതു വരെ ഇവര്‍ തെളിയിച്ചിട്ടില്ല.
അങ്ങനെ ഒരുപാട് ഒരുപാട് കാരണങ്ങള്‍ ഉള്ളത് കൊണ്ട് ഞാന്‍ ഉറപ്പിക്കുന്നു ഈ എഞ്ചിനിയര്‍മാരെല്ലാം മന്ദബുദ്ധികള്‍ തന്നെ.